Сургалтын хөтөлбөрүүд

Чанартай сургалтын үндэс нь чанартай хөтөлбөр

Манай сургалт АНУ-ын топ их дээд сургуулиуд, компаниудын мэргэжилтнүүд зохиосон судалгаатай, хүүхдийн насны онцлогт тохирсон, шилдэг хөтөлбөрөөр явагддагаараа онцлогтой.

АНУ-даа компьютерийн шинжлэх ухааны сургалтаар тэргүүлэгч Карнеги Меллоны их сургуулийн зохиодог 4 үе шаттай цогц хөтөлбөрийг Монголдоо манайх хэрэгжүүлж байна. Python хэлний уг хөтөлбөрүүд нь анхан шатнаас эхлэн ахисан түвшин хүртэл шат ахиж суралцахад зориулагдсан бөгөөд жил бүр агуулгын хувьд шинэчлэгдэн хөгжиж байдаг.

CS0 хөтөлбөр нь CS1-ийн хураангуйлсан хувилбар бөгөөд эдгээр нь компьютер график голлосон анхан шатны хөтөлбөрүүд юм. Хөтөлбөрийн агуулга нь Карнеги Меллоны их сургууль сүүлийн 10 гаруй жил амжилттай зааж буй Fundamentals of Programming and Computer Science хичээлийн агуулга дээр тулгуурласан. Компьютер програмчилж сурах нь хөгжилтэй үйл явц байх хэрэгтэй гэдэг үзэл санаагаар уг хөтөлбөрийг зохиожээ. Анхлан суралцагчдад компьютер график програмчлалаар эхлэх нь томоохон давуу талтай: бодлогууд нь сонирхол татахуйц, олон боломжит хувилбартай, суралцагч юу хийх ёстойгоо толгойдоо төсөөлөхийн оронд шууд нүдээрээ харж байдагт оршино.

CS2 нь CS1-г дүүргэсэн сурагчдад зориулсан дунд түвшний хөтөлбөр ба Python хэлийг урлаг, шинжлэх ухаан, хөгжим, математик, өгөгдлийн анализ ба дүрслэл, симуляци, тоглоомын дезайн, вэб апп, аюулгүй байдал, машин сургалт ба хиймэл оюун гэсэн сэдвүүдийг хүрээнд ашиглах талаар судлах юм.

CS3 хөтөлбөр нь их сургуулийн түвшний хөтөлбөр ба төгсөгчид уг хөтөлбөрийн агуулгаар шалгалт өгч тэнцсэн тохиолдолд Карнеги Меллоны их сургуулийн 3 кредитийг (9 Carnegie Mellon University units, equivalent to 3 credits) авах боломжтой болох юм.

Логистик

Сургалтын материалын хувьд 100% онлайн: сурагчдийн ашиглах Integrated Development Environment (IDE — кодоо бичих, хадгалах эдитор) болон хийсэн бүтээл бүгд тэдний экаунтад хадгалагдах бөгөөд багш сурагч бүрийн хичээлийн явцыг хянаж үнэлгээ өгнө. Хичээл болгон тухайн сэдвийн мэдлэг шалгах check-point-ууд болон дасгал ажлуудаас бүрдэнэ. Мөн хэсэг бүрийн төгсгөлд сорил дасгалууд, төслүүд, бие даалт болон хамтран гүйцэтгэх даалгавруудтай.

Хөтөлбөр Тайлбар Шаардлага Хугацаа Төлбөр
CS0
Дунд болон ахлах ангийнханд зориулсан Python хэлний хөтөлбөр - Англи хэлний мэдлэг 30 цаг ₮500 мянга
CS1
Дунд болон ахлах ангийнханд зориулсан Python хэлний хөтөлбөр - Англи хэлний мэдлэг 120 цаг ₮1.8 сая
CS2
Дунд болон ахлах ангийнханд зориулсан Python хэлний хөтөлбөр - Англи хэлний мэдлэг
- Python суурь мэдлэг
28 долоо хоног ₮1.8 сая
CS3
Их сургуулийн түвшний Python хэлний хөтөлбөр - Англи хэлний мэдлэг
- Python суурь мэдлэг
31.5 долоо хоног ₮2 сая
Young Coders Club
Бага ангийнханд зориулсан Blockly, Scratch хэлний сургалт 60 цаг ₮900 мянга

Python програмчлалын хэл

Python нь өндөр түвшний, ерөнхий програмчлалын хэл юм. Хэлний синтаксын хувьд Англи хэлтэй ойрхон, товчхон бичиглэлтэй байдал нь анхлан суралцагчдад ээлтэй учраас дэлхийн томоохон их сургуулиудын компьютерийн програмчлалын анхан шатны курсууд Python дээр явагдах болсон байна.

Python нь өдгөө хамгийн түгээмэл програмчлалын хэл болсон ба өгөгдлийн анализ ба машин сургалт, вэб хөгжүүлэлт, автоматжуулалт, програм тестчлэл зэрэг салбаруудад өргөн хэрэглэгдэж байна. Томоохон байгууллагуудын инженерүүд Python-г хэрхэн үр дүнтэй ашиглаж байгааг эндээс сонирхоно уу.